بابټیل د مخابراتي خدماتو برابرونکی شرکت دی چې په منځني ختیځ او افریقا کې په هغه خدماتو تمرکز کوي چې تر ټولو لږ کار ورته شوی وي. موږ په 2004 کې په بغداد کې د Wimax په نوم فعالیت پیل کړ چې له لارې مو محلي اقتصاد امنیتي قراردادیانو او دولتي ادارو ته خدمات وړاندې کول.

د 2008 کال په پیل کې بابټل د متحده ایالاتو او عراق اجازه ترلاسه کړه تر څو خپل خدمات د بلاد په مشترکه هډې (JBB) چې په سیمه کې د امریکا تر ټولو ستر نظامي هوایي ډګر دی، پیل کړي. دا خدمات د 2008 کال په جولای کې پیل او د 2011 کال په سپټمبر کې د متحده ایالاتو د ځواکونو له وتلو دمخه په عراق کې تر 16 نورو نظامي تاسیساتو کې یې خدمات وړاندې کړل. دا شرکت اوس مهال په قطر کې د السیلیه کمپ (CAS) او العدید هوایي هډه (AUAB) کې انټرنیټي خدمات چمتو کوي.

په عمده ډول موږ دوه له ډوله خدماتو له لارې نړیوال غږیز ارتباط وړاندې کوو: د منځني ختیځ او نړیوالو کمپنیو، دولتي ادارو او نورو خدماتو چمتو کونکو ته د تصدۍ (شرکتي) ټلیفوني خدمتونه او د متحده ایالاتو په نظامي هډو کې د قراردادیانو کارکونکو (د دریم هیواد اتباع یا TCNs) ته چې د هډې په کمپ کې اوسیدل، د سیکې پرته ټیلیفوني غرفو خدمتونه وړاندې کوو. زموږ لومړنۍ هڅې دا وې چې هغه ستونزمنې خلا ګانې ډکې کړو چې د مخابراتو په ګران بیه مارکیټ کې د نړیوال مخابراتي خدمتونو لپاره په عراق کې له موجوده قراردادیانو سره درلودې. دا ددې لامل شوه چې په عراق د بهرنیو چارو وزارت او په قطر کې د متحده ایالاتو نظامي هډو سره مو دوامداره کارونه پیل کړل.

د 2004 کال په سپټمبر کې له تاسیس کیدو سره سم مو په ټول عراق کې فعالیت پیل کړ. زموږ لومړنی پیرودونکی اجیلیټي لوجیستیک (پخوانی نوم یې PWC لوجستیک، Agility) و چې مونږ ورته د 40- ټیلیفوني غږیز انټرنیټي پروټوکول (VoIP) شبکه جوړه کړه. له دې سیستم سره یې په عراق کې 24 لرې پراته ساحوي دفترونه د کویټ مرکزي دفتر سره وصل شول. له هغه وخت راهیسې مو خپل خدمات تر 20 شرکتونو ته وړاندې کړي دي.

د 2005 کال په جون کې د هغه قراردادیانو لپاره چې په نظامي هډو کې یې کار کاوه او د ټیټ لګښت اغیزمن ټیلیفوني خدمتونه تقاضا ډیره وه، مونږ دا تقاضا درک کړه او پریکړه مو وکړه چې د سیکې پرته ټیلیفوني غرفې رامنځته کړو تر څو د اضافي نغدو پیسو سرچینې خوندي کړو. دا مهال موږ د 15000 امریکایی پوځي او هوایی سرتیرو لپاره د 1 جي بي او 10 جي بي بیکبون فایبري شبکو څخه کار اخلو تر څو سرتیرو ته دا اسانتیا برابره کړو چې خپلو کورنیو سره اړیکه کې اووسي. د روانو ناکراریو سربیره موږ خپلې سوداګرۍ ته د پراختیا په حال کې یو.

د 2014 کال د فبروري میاشت په 19 نیټه مو د پوځ او هوایی ځواک د تبادلې خدماتو (AAFES) سره پنځه کلن تړون لاسلیک کړ تر څو د قطر په السلیه کمپ کې سرتیرو او قراردادیانو ته د انټرنیټ خدمات چمتو کړو او وروسته د 2014 کال د اکتوبر په 20 نیټه مو همدا قرارداد د العدید کمپ ته هم وغځوو. زموږ خدمات د 15000 څخه زیاتو نظامي او ملکي پرسونل ته د وایفای او وایفای اتصالونو له لارې سایبر خوندي VoIP تلیفوني او انټرنیټي خدمتونه په داسې لګښت وړاندې کوو چې د محلي اقتصاد سره پرتله کیدای شی او همدا راز د خپلو سرتیرو د محرمیت لپاره مو خوندي امنیتي سیستم په کار اچولی. د بابټل د فعالیتونو 10٪ ناخالصه عاید د خپلو ګمارل شویو سرتیرو د مورال او هوساینې لپاره د متحده ایالاتو پوځ ته بیرته ورکوو.

د 2004 راهیسې بابټل د متحده ایاالتو نظامي قراردادیانو او سرتیرو لپاره چې په بهر کې په خدمت بوخت دي، د باور وړ او خوندي ارتباطاتو خدمات وړاندې کوو. که په بغداد ښار کې د VoIP، انټرنیټ، په لومړي ځل د WiMAX شبکې ځای پرځای کول، یا په افغانستان کې د Microwave Line of Site لینکونه نصبول وي، موږ د یو عصري تخنیکي سیستم له لارې په بریالیتوب تر سره کړي چې په دې کې د اوږد واټن وایفای ټیلفوني او ډیټا پلونه، مجازی PBXs او VoIP ټیلیفونونه شامل دي چې له لارې يې زموږ پیرودونکي زموږ د فلاډیلفیا NOC کې د یوې واحدې دروازې له لارې د خدماتو، امنیت او محرمیت لوړ کیفیت سره له نورې نړۍ سره نښلوي. که څه هم موږ اوس هم په مخابراتي بازارونو کې نړیوالې مخابراتي شبکې ته د لاسرسي لپاره VSATs کاروو خو د پیرودونکو د محرمیت ساتلو لپاره زموږ ژمنې پر ځای دي او سربېره پر دې د بابټل د پیرودونکو د ملاتړ څانګه خپلو پیریدونکو لپاره پرته د اضافي سرمایه ګذارۍ لګښتونو لکه د نیټورک زیربنایي لګښتونه یا هم د کارمندانو استخدام، ساتنې او د تخنیکي کارکونکو لګښتونو، خدمات وړاندې کوي.

موږ اوس مهال په افریقا کې د ساري ناروغیو له منځه وړو لپاره د لمریزې بریښنا او هایدروپونیک کرنې سره د ګړندي پلي کیدو وړ مخابراتي سیسټمونو د ادغام لپاره کار کوو.